Mangal Dhillon as a Poet

A few Scattered Emotions



Zinda hain Jab talak mere Jazbe Junu ke Saath,
Mein kuchh bhi ho sakta hoon, magar gharib nahin hoon.



Halaat ki saazish kahoon, yaa waqt ki ranzish ise,
Bina chehre ka koi dushman mita gaya mujh ko.



Un ke tasavur mein kuchh is qadar guzri hai hayaat,
Ke ab hum aayne mein hum nahin, who nazar aate hain.



Khudi ke ru-ba-ru aane se itna dar raha hoon,
Ke tamaam ghar ke maine aayne tudwa diye hain.



Intzaar ka yeh lutf kafoor naa ho jaaye kahin milke unse,
Isi khadshe mein tamaam umr tanha guzaar di humne.



Falsafa mere junu ka parh ke to dekhe koi,
Kis qadar hum ret ke minaaron pe chadhte rahe.



Woh zamaane se bante rahe the magar,
Hum haqeeqat zamaane se kahte rahe,
Ab un ko zamaane ne aaqaa kahaa,
Aur hum ko zamaana sharaabi kahe.



Sadma Sadma aur sadmein ke baad phir sadma,
Tera karam hai, tune jo bhi diya tabiyat se diya.



Ru-ba-ru aaye kabhi to dekhte rah jaao ge,
Dushmano se bhi bada dushman khudi mein paao ge.



Aayna laao hum khudi apni shnaakht ka hausla batorein,
Ab hamen zamane ki dee pehchaan par yaqin nahin raha.